‘Terrour cuikbuik’ screiver funn guiltie

Thursday, 10 March 2011 01:00

2 Comments

A businessman frae Portsmouth in the sou wast o Ingland is facin a lang streitch in the jyle efter bein fun guiltie at Winchester Croun Court unner seiven counts o the Terrourism Act fur gaitherin an giein out witterins yuisfou tae terrourists. Terrence Brown haed a wabsteid cryed the Anarchists Cookbook at tuik hits name frae an American counter-culture buik frae the 1970s.

Brown yuised his wabsteid tae sell CDs conteinin the text o the oreiginal buik, plus thousans pages mair o instrucciouns frae Al Qaeda an Muslim extremist wabsteids lik the “Mujahideen Pushions Buik”. CDs funn bi the polis in Browns hous heild chaipters cryed hou tae mak a letter bomb an hou tae intil a kintra illegallie as weill as instrucciouns on hou tae bigg improvysed explosive devyces. The CD tellt readers hou tae mak detonatours, hou tae mak deidlie pushions an hou tae cairrie out assassinaciouns an aa.

‘Terrour cuikbuik’ screiver funn guiltie

Wednesday, 09 March 2011 22:18

0 Comments

bi John F. McDonnell

A businessman frae Portsmouth in the sou wast o Ingland is facin a lang streitch in the jyle efter bein fun guiltie at Winchester Croun Court unner seiven counts the Terrourism Act fur gaitherin an giein out witterins yuisfou tae terrourists. Terrence Brown haed a wabsteid cryed the Anarchists Cookbook at tuik hits name frae an American counter-culture buik frae the 1970s.

Sectarian strouth manks Egyptian revolucioun

Tuesday, 08 March 2011 23:18

14 Comments

bi John F. McDonnell

Egyptian stait televisioun reports at on Fryday o last weik the Shahedain (‘Twa Mairtyrs’) Coptic Christian kirk in the ceitie o Sol in Helwan province wis brunt til the grunn efter gilravages atwein Christians and Muslims. Twa fowk wis slauchert throu the strouth, an monie mair wis hurtit.

The bangstrie brainyellt efter a feud atweish twa local faimlies, yae Christian the ither Muslim, ower a romantic relaciounshap atwein a Christian man an a Muslim wummin in the toun. Coptic Christians maks up aroun 7,000 fowk out o the touns total populacioun o 50,000.

Who Dares Wins twa nichts in a Benghazi jyle

Tuesday, 08 March 2011 01:00

26 Comments

bi John F. McDonnell

A teim made up o sax SAS sodgers, the regiment at haes the motto ‘Who Dares Wins’, an twa unidentified British offeicials, haes left Libya efter thair embarrassin arrest an detencioun in Libya bi the rebel forces at controls the eister hauf o the kintra. The elite o the British airmie wis taen doun a hack bi a paircel o Libyan ferm chiels at interceptit the British helicopter efter hit laundit.

Tho the British claimed tae be on a diplomatic meissioun, thae cam in on a helicopter gun-ship airmed til the teith at laundit wi nae wairnin in the wee smaa hours in the mids o a field eist o Benghazi. Bi the wey o local reports, nae ettil haed been made bi the British fur tae contac the rebel authorities at controls the regioun nor tae speik a wurd tae thaim anent the income o the British sodgies. Whan the British wis arrestit hit wis funn at thae wer cairriein ammunicioun, maps an passports frae fower different kintras.

Hit cam frae outer space: NASA scientist fynds evidence o lyfe in meteorites

Monday, 07 March 2011 03:33

9 Comments

bi John McDonnell

A respectit American scientific journal, the Journal of Cosmology, haes publisht a studie at claims tae hae funn evidence o bacterial lyfe in meteorites at fell til the yird frae outer space. The studie, cairrit out bi NASA astrobiologist Dr. Richard Hoover, staits at ther structures yirdit deip ben the meteorites at kin ainerlie hae been creatit bi cyanobactera.

Cyanobacteria is the maist commun o bacteria, an thocht bi monie tae be the bacteria at evolved furst, makin hit the auldest. On our planet cyanobacteria bydes blythe in extreme condiciouns, lik volcanoes, hot springs, or in the deipest pairts o the oceans.